၁။ ကရင်များသည် အမွေဆိုင်များဖြစ်သည်
ကရင်များသည် မြန်မာပြည်တွင်းသို့  ဦးဦးဖျားဖျား ၀င်ရောက်လာသော လူမျိုးများဖြစ် သည်ဟု ရာဇ၀င်ဆရာကြီးများများက ၀န်ခံကြလေသည်။ ရာဇ၀င်တိုင်းလိုလိုပင် ကရင် များသည် မွန်နှင့်မြန်မာများမရောက်မှီ ကနဦးရောက်ရှိလာကြောင်းကို အတိအလင်း ရှင်းလင်းဖေါ်ပြ ထားသည်ကို တွေ့ ရှိကြရလေသည်။ နောက်မှ ရောက်ရှိလာကြသော လူမျိုးများ၏ စည်းလုံးမှု အင်အားတောင့်တင်းမှုတို့ ကြောင့် ကရင်များသည် မြန်မာပြည် အောက်ပိုင်းဒေသတလျှောက် နှင့် တောင်ရိုးပေါ်သို့  ရွှေ့ ပြောင်းနေထိုင်ကြရခြင်း ဖြစ်ပေ သည်။ ကရင်အမျိုးသားများသည် မြန်မာပြည်အရပ်ရပ်တိုင်း၌လိုလိုပင် ခုတ်တွင်ရှင်းလင်းပြီး လယ်မြေများဖြစ်အောင် လုပ် ဆောင်ခဲ့ကြသော်လည်း ညီညွတ်မှုနည်းပါးသဖြင့် မွန်နှင့်မြန်မာများက တလှည့်စိုးမိုးအုပ် ချုပ်ခဲ့ကြလေသည်။ မွန်များသည် မြန်မာပြည်ကြီးကို နှစ်ပေါင်းများစွာ အုပ်ချုပ်မင်းလုပ်ပြီး နောက် မြန်မာများက လက်နက်အင်အားပြုကာ ၉၅ နှစ်ခန့် မျှ ဆက်လက်မင်းလုပ်ခဲ့ကြ လေသည်။ ၎င်းနောက် အင်္ဂလိပ်များက နှစ်ပေါင်း တရာခန့်  ထပ်မံ၍ အုပ်ချုပ်ကြပြန်လေ သည်။ အတ္တလန္တိတ်စာချုပ်အရ အင်္ဂလိပ်များက မြန်မာများကို တိုင်းပြည်ပြန်လည်ပေးအပ်ခွင့် ရှိလျှင် မြန်မာများက ကရင်များကို တိုင်း ပြည်ပြန်အပ်နှင်းရေးအတွက် နှောင့်နှေးဘွယ်ရာမ ဟုတ်ချေ။ ရာဇ၀င်ကြောင်းအရ ကရင်များသည် မိမိတို့ ၏ ဓါးဦးမကျနေရာများကို မိမိတို့ ၏ စိတ်သဘောအရ အလိုအ လျှောက်စွန့် ခွာသွားခြင်းမဟုတ်ဘဲ သူတပါး၏ နိုင်ထက်စီးနင်းမှု ကြောင့်သာ ရှောင် တိမ်းထွက်ခွာပေးရခြင်းဖြစ်သဖြင့် ဤတိုင်းပြည်ကြီးသည် ကရင်အမျိုးသား များ၏ အမွေ ဆိုင်တိုင်းပြည်ကြီးဖြစ်သည်ဟု ဆိုကြရချေသည်။
၂။ မျိုးရိုးဇာတိမတူ ခြားနားသောလူမျိုးများဖြစ်ခြင်း
ကရင်လူမျိုးသည် မောင်ဂိုးလီးယားတိုင်းပြည်မှ ဆင်းသက်ပေါက်ဖွားလာ၍ မြန်မာလူမျိုး များသည် တိဘက်တိုဘာမင်လူမျိုးများမှ ဆင်းသက်ပေါက်ဖွားလာကြောင်းကို ရာဇ၀င် တိုင်းက ၀န်ခံကြလေသည်။ သို့ ဖြစ်၍ ကရင်နှင့်မြန်မာသည် ဇာတိပကတိအားဖြင့် အမျိုးမတူ သော လူမျိုးကွဲများဖြစ်ကြောင်း ထင်ရှားလေသည်။ ဘာသာစကား၊ စိတ်နေ သဘောထား၊ ယဉ်ကျေးမှုနှင့်ရိုးရာခြင်းမတူသော လူတမျိုးနှင့်တမျိုးတို့ သည် မည် သည့်နည်းနှင့်မျှ လူမျိုး တမျိုးတည်းဖြစ်သည်ဟု မစွပ်စွဲနိုင်၊ (၀ါ) ဖြစ်အောင်မလုပ်နိုင်၊ မပြုအပ်ချေ။ ဗမာကို ကရင်ဖြစ် ရမည်ဟူ၍၎င်း၊ ကရင်ကို ဗမာဖြစ်ရမည်ဟူ၍၎င်း၊ အတင်းသိမ်းသွင်းခြင်းငှာမအပ်။ လူမျိုးသည် လူမျိုးသာဖြစ်သည်။ လွန်ခဲ့သော နှစ်ပေါင်း တထောင်ကျော်ခန့် က အတူတကွနေထိုင်ခဲ့သော မြန်မာနှင့်ကရင်များသည် ယနေ့ အ ထိ လူတမျိုးတည်း မဖြစ်နိုင်သေးသည်ကို ထောက်လျှင် နောင်ကိုလည်း မည်သည့် အခါမျှ လူတမျိုးတည်းဖြစ်နိုင်ဘွယ်ရာ အကြောင်းမရှိချေ။ သို့ြ့ဖစ်၍ မြန်မာသည် တိုင်း ပြည်နှင့်ရှိသည်ဖြစ်က ကရင်သည်လည်း တိုင်းပြည်နှင့် ရှိအပ်သည်ကို အမြော်အမြင် ကြီးသူတိုင်း ငြင်းကွယ်နိုင်ကြမည် မဟုတ်ချေ။
၃။ ကရင်သည် လူနည်းစုမဟုတ်
ကရင်အမျိုးသားများကို လူနည်းစုဟု ယူမှတ်ကြသော်လည်း အမှန်မှာ ကရင်သည် လူနည်း စုမဟုတ်ချေ။ ဂျပန်ခေတ်က ကောက်ယူသော သန်းခေါင်စာရင်းအရ ကရင် လူဦးရေမှာ ၄ သန်းခွဲမျှဖြစ်လေသည်။ တနင်္သာရီတိုင်း၌ ကရင်သည် လူများစုဖြစ်၍ ဧရာဝတီတိုင်း၌ ကရင် သည် မြန်မာများနှင့် လူဦးရေများစွာ ကွာခြားခြင်းမရှိသည့်အပြင် ယိုးဒယားပြည်၌ ကရင် အမျိုးသားဦးရေ နှစ်သန်းကျော်ရှိသည်ကို ကရင်အမျိုးသားတိုင်း သိရှိပြီးဖြစ်လေသည်။ အင်ဒို ချိုင်းနားပြည်၌လည်း ကရင်အမြောက်အများရှိသေးသည်။ မြန်မာပြည်၊ ယိုးဒယားပြည်နှင့် အင်ဒိုချိုင်းနား သုံးပြည်ထောင်ရှိကရင်အမျိုးသားများကို ပေါင်းလိုက်သည်ရှိသော် ကရင်သည် လူများစုဖြစ်ကြောင်း ပိုမိုနားလည်နိုင်ကြပေမည်။ ၁၉၃၁ ခုနှစ် သန်းခေါင်စာရင်းအရ ကချင် လူဦးရေသည် တသိန်းခွဲမျှသာရှိသော လူ နည်းစုကလေးပင် ဖြစ်ခဲ့သော်လည်း ယခုအခါ ကချင်လူမျိုးသည် ပြည်ထောင်စု တခုနှင့် ရှိနေကြပြီ။ သို့ နှင့် ကချင်အမျိုးသားများထက် အ ဆပေါင်းများစွာများပြားသော ကရင်လူမျိုးကို တိုင်းပြည်မရထိုက်ဟု အမြှော်အမြင်နည်းသူ များကသာ ဆိုနိုင်ကြပေသည်။ သို့ ဖြစ်၍ ကရင်အမျိုးသားများသည် တိုင်းပြည်ကို မရမခြင်း ကျေနပ်မှုရကြလိမ့် မည်မ ဟုတ်ချေ။
၎။ လူမျိုးတည်တံ့ခိုင်မြဲရေး
ကရင်လူမျိုးတို့ သည် ရာဇ၀င်ကြောင်းအရ အမျိုးရိုးဇာတိအားဖြင်၎င်း၊ သီးခြားသော လူမျိုးတ မျိုးဖြစ်သည့်အတိုင်း မိမိတို့ ၏အမျိုး တိမ်ကောပပျောက်သွားခြင်းကို အလျည်း မလ်ိုလားကြဘဲ လူမျိုးတည်တံ့ခိုင်မြဲရေးကိုသာ အစဉ်သဖြင့် လိုလားတောင့်တကြလေ သည်။
ကရင်အမျိုးသားများသည် မိမိတို့ ၏ ရိုးသားခြင်း၊ ရဲရင့်ခြင်း၊ သစ္စာရှိခြင်း၊ ၀ိရိယ ရှိခြင်း၊ စိတ်သဘောဖြူစင်ဖြောင့်မတ်ခြင်းနှင့် စိတ်ထားမြင့်မြတ်ခြင်းတို့ ဖြင့် အမြဲဂုဏ်ယူ တတ်ကြလေ သည်။ မိမိတို့ ၏ ဘာသာစကားများကိုလည်း အမြတ်တနိုးထားကြလေသည်။ လူမျိုးရေး တည်တံ့မှုသည်ကား မိမိတို့ တိုင်းပြည်၊ မိမိတို့ ၏ အစိုးရရှိခြင်းအပေါ် တွင်သာ တည်လျက်ရှိ လေသည်။
ရည်ညွန်း ကရင်အမျိုးသားနှင့် နိုင်ငံရေးစာအုပ်မှ ကောက်နှုတ်ချက်။
Subscribe to:
Post Comments (Atom)
No comments:
Post a Comment